Welkom by NG Kerk Kempton-Hoogland se regstreekse uitsending. Hierdie Sondag reis ons saam met Abram en ontdek weer hoe God naby kom. Ds. Jeanine Stoffberg praat oor geloof wat meer word as tradisie, reëls of gewoontes. Want geloof begin by 'n God wat mense op hulle naam roep en persoonlik betrokke raak in hulle lewens.

Welkom by NG Kerk Kempton-Hoogland se regstreekse uitsending. Vanoggend dink ons saam na oor die tema: “God het altyd die laaste sê.” Teologiestudent me. Trienie Drotschie bring vir ons 'n boodskap uit Daniël 9. Daniël sien dat die volk in die moeilikheid is, en hy bid hartstogtelik vir die Here. Nog voor hy eers klaar gebid het, kry hy 'n antwoord. Kom hoor van gebed, skuldbelydenis, vergifnis en groot genade.

Welkom by NG Kerk Kempton-Hoogland se regstreekse uitsending. Vanoggend dink ons saam na oor die tema: “Ek hou vas aan dit wat ek glo.” Ds. Hendrien bring vir ons 'n boodskap uit Genesis 1-2. Dis Drie-eenheidsondag, en ons vier dat ons met alles in ons die Here kan loof, prys en aanbid. Ons onthou, soos die gelowiges van ouds, dat God nog altyd daar is en altyd daar sal wees. Mag hierdie diens ook 'n seën wees vir jou!

Welkom by NG Kerk Kempton-Hoogland se regstreekse uitsending. Vanoggend dink ons saam na oor die tema: “Heelhartig deel, al wag ons.” Ds. Hendrien bring vir ons 'n boodskap uit Handelinge 2 en ons hou saam die gemeenskaplike maaltyd. Dis Pinksterfees, ons word herinner aan daardie eeue ou gebeurtenis toe die Heilige Gees uitgestort is en die eerste gemeente begin werk het in die wêreld. Hoe maak ons as mense gevul met die Heilige Gees en wat deel het in hierdie roeping?

Welkom by NG Kerk Kempton-Hoogland se regstreekse uitsending. Vanoggend dink ons saam na oor die tema: “Wat is die ergste wat kan gebeur?” Ds. Jeanine bring vir ons 'n boodskap uit Handelinge 25 en 26. Ons leef dikwels asof “nee”, verwerping of ongemak die ergste moontlike uitkoms is. Maar wat as God nog nie klaar is met iemand nie? En wat as die uitnodiging wat jy amper nooit gemaak het nie, dalk deel kon word van iemand anders se geloofstorie?

Hierdie Sondag dink ons saam met Ds. Jeanine na oor die tema: “Getrou met wat in jou hand is.” In ’n wêreld van vinnige geld, skuld en “meer”, vra Jesus in Matteus 25 ’n dieper vraag: Wat doen ons met dit wat God aan ons toevertrou het? Ons nooi julle om saam te kom luister, saam te aanbid en weer te ontdek wat dit beteken om die Koninkryk eerste te soek.

Baie welkom by die aanlyn gedenkdiens van Francois Gerber. Ons dink met deernis aan elkeen van sy geliefdes in hierdie hartseer tyd. Mag julle die troos en nabyheid van die Here op ’n besondere manier beleef, en mag sy Gees julle vashou en dra. Die diens word gelei deur Ds. Hendrien van Vliet.

Welkom by vanoggend se erediens. Ds. Hendrien bring vir ons ’n boodskap uit 2 Timoteus 1. Het jy jou al in daardie spasie bevind tussen hemel en aarde? Hoe hou ons koers wanneer ons daar is? Kom luister gerus saam.