KAARTJIEKERK

Yay! Ons is tans op vlak 3-inperkingsregulasies wat beteken dat kerkdienste en ander geloofsbyeenkomste nou weer toelaatbaar is. Dit mag egter nie meer as 50 mense binnenshuis wees nie en nie meer as 100 mense in die opelug nie, op voorwaarde dat dit minder as 50% van die vermoë van die perseel is.
 
Om ons te help om binne die regulasies te kan bly moet jy VOORAF BESPREEK. Jy "koop" 'n kaartjie vir Kaartjiekerk. Dis gratis! Soos die Here se genade! Ongelukkig word die kaartjies beperk tot op 50. ‘n Mens kan net vir die eerskomende Sondag registreer. DRUK JOU KAARTJIE UIT, of HOU DIT OP JOU FOON. Jy word met 'n skandeerder aangeteken by die diens. Registrasie open elke Maandag oggend vir die naweek se diens.